၂၀၂၃ ခုနှစ် ဇွန်လ ၁၆ ရက်နေ့တွင် ဂျီနီဗာမှာ ကျင်းပခဲ့သော၂၈ ကြိမ်မြောက် IUF ညီလာခံကြီးမှ အရေးကြီးသော ဆုံးဖြတ်ချက် အမှတ် (၁) ဖြစ်သည့် မြန်မာနိုင်ငံ ဒီမိုကရေစီပြန်လည်ရရှိရေးနှင့် လူ့အခွင့်အရေး ကာကွယ်ရေး ဆိုင်ရာ ဆုံးဖြတ်ချက်ကို အတည်ပြုခဲ့ပါသည်။ ဆုံးဖြတ်ချက်ကို Food Rengo, UA ZENSEN, Service Tourism Rengo, Noh-Dan-Roh နှင့် UFCW North America တို့မှ တင်သွင်းခဲ့တာလည်း ဖြစ်ပါသည်။
UA ZENSEN ၏ ဒုတိယဥက္ကဌဖြစ်သူ Brother Hiromu Kogure သည် အောက်ပါမိန့်ခွန်းဖြင့် ဆုံးဖြတ်ချက်ကို ချပြခဲ့ပြီး အပြည်ပြည်ဆိုင်ရာကုမ္ပဏီများအနေဖြင့် မြန်မာနိုင်ငံမှ ၎င်းတို့၏ လုပ်ငန်းများကို ရပ်ဆိုင်းပြီး ရင်းနှီးမြှုပ်နှံမှုများ မလုပ်ကြရန် တောင်းဆိုခဲ့ပါသည်။ ဒါဟာ စစ်အစိုးရနှင့် တိုက်ရိုက်ဖြစ်စေ သွယ်ဝိုက်၍ဖြစ်စေ ပူးပေါင်းဆောင်ရွက်နေမှု အဆုံးသတ်ရန်အတွက် အရေးကြီးပြီး မြန်မာနိုင်ငံကို ဒီမိုကရေစီနှင့် လူ့အခွင့်အရေးတွေ ပြန်လည်ရရှိစေမှာ ဖြစ်ပါသည်.
မြန်မာအတွက် ဆက်လက်ပံ့ပိုးကူညီကာ အပြည်ပြည်ဆိုင်ရာကုမ္ပဏီများကို မြန်မာနိုင်ငံမှ “တာဝန်သိသိဖြင့် ထွက်ခွာ” စေဖို့ ဖိအားပေးပါ!
UA ZENSEN ၏ ဒုတိယ ဥက္ကဌ Brother Hiromu Kogure မှ ၂၈ ကြိမ်မြောက် IUF ညီလာခံတွင် မိန့်ခွန်းပြောနေပုံ
မြန်မာနိုင်ငံမှာ စစ်တပ်က အာဏာသိမ်းလိုက်သည့် နှစ်နှစ်တာကာလ နောက်ပိုင်း အခြေအနေတွေဟာ တိုးတက်ကောင်းမွန်လာတာမျိုး မရှိပဲ အပြစ်မဲ့ပြည်သူများ၊ ဒီမိုကရေစီအရေး လှုပ်ရှားသူများနှင့် သမဂ္ဂအဖွဲ့ဝင်များသည်လည်း အသတ်ခံရကာ ၎င်းတို့၏ နေအိမ်များ မီးရှို့ခံလိုက်ကြရပြီး ကြေကွဲစရာ အခြေအနေတွေက ဆက်လက်ဖြစ်ပေါ်နေပါတယ်။
ပထမဆုံးအနေဖြင့် မြန်မာနိုင်ငံက ကျွန်ုပ်တို့၏ သမဂ္ဂအဖွဲ့ဝင်တွေကို ယနေ့အချိန်ထိ ပံ့ပိုးကူညီပေးနိုင်အောင်စီစဥ်ပေးခဲ့တဲ့အတွက် ဒေသဆိုင်ရာ အတွင်းရေးမှူး Brother Hidayat ကို အထူးလေးစားကြောင်း ပြောကြားလိုပါတယ်။
ယနေ့အချိန်ထိတော့ UA ZENSEN အနေဖြင့် CTUM ကို အရေးပေါ်အကူအညီ ၃ ကြိမ် ပေးနိုင်ခဲ့ပြီး မြန်မာနိုင်ငံ ဒီမိုကရေစီ ရရှိပြီး အလုပ်သမားများ ငြိမ်းချမ်းစွာ အလုပ်လုပ်နိုင်ကြသည့် အချိန်ထိ အဲလို ဆက်လက် ပါဝင်ကူညီသွားမယ်။
ကမ္ဘာကြီးက ယူရိန်းဘက်ကိုပဲ အာရုံစိုက်နေချိန်မှာ မြန်မာတွက်လည်း ဆက်လက်ပြီး ပိုမိုကူညီပံ့ပိုးပေးကြဖို့ကိုလည်း တောင်းဆိုပါတယ်။
တခြား GUFs အဖွဲ့အစည်းတွေလုပ်ဆောင်နေကြသလိုပဲ ဒေသဆိုင်ရာ အတွင်းရေးမှူး Brother Hidayat ၏ ဦးဆောင်မှုဖြင့် မြန်မာနိုင်ငံမှ “ တာဝန်သိသော ဆုတ်ခွာခြင်း” အပေါ် IUF မှ သိသိသာသာ လုပ်နေသည်ကိုလည်း သိရှိရပါတယ်။
တကမ္ဘာလုံးဆိုင်ရာ စားသောက်ကုန်းကုမ္ပဏီ တော်တော်များများ မြန်မာနိုင်ငံမှာ ရှိနေပြီး လုပ်ငန်းဆက်လက် လည်ပတ်နေဆဲလည်း ဖြစ်ပါတယ်။ တချို့ကလည်း ဒီကုမ္ပဏီတွေကို ထွက်ခွာဖို့ တောင်းဆိုတာဟာ “ကျွန်ုပ်တို့အဖွဲ့ဝင်များ အလုပ်အကိုင်မဲ့” စေတယ်လို့ ဆိုကြပါတယ်။ သို့ပေမယ့် မြန်မာနိုင်ငံမှာ ဒီမိုကရေစီ နည်းလမ်းကျကျ လှုပ်ရှားနေတဲ့ သမဂ္ဂများဟာ ဖိနှိပ်ခံနေကြရပြီး “အဝါရောင် သမဂ္ဂ” လို့ ခေါ်ကြတဲ့ စစ်အာဏာရှင် အလိုကျ အဖွဲ့အစည်းများကသာ ပိုမို ကြီးစိုးနေပါတယ်။ သမဂ္ဂအဖွဲ့ဝင်များ၏ အလုပ်တော်တော်များများကိုလည်း အဖွဲ့ဝင် မဟုတ်သော၊ ပုံမှန်မရှိသော လုပ်သားများဖြင့် အစားထိုးနေသည်ကိုလည်း ကြားသိရပါတယ်။
မြန်မာနိုင်ငံမှာ လူ့အခွင့်အရေးစံညွှန်းအတိုင်း ကျင့်သုံးရန် မဖြစ်နိုင်တော့ပါ။ မြန်မာနိုင်ငံမှာ အလုပ်လုပ်နေကြတဲ့ နိုင်ငံခြားကုမ္ပဏီများကို ပိုမိုဖိအားပေးရန် IUF ကို တောင်းဆိုရင်းဖြင့် ကျွန်ုပ်၏ မှတ်ချက်စကားကို နိဂုံးချုပ်အပ်ပါတယ်။