Unite calls for an immediate ceasefire [Nov 3, 2023]
Unite အဖွဲ့ချုပ်မှ အပစ်အခတ် ချက်ချင်းရပ်စဲရေး တောင်းဆိုခြင်း ၂၀၂၃ ခုနှစ်၊ နိုဝင်ဘာလ ၃ ရက်၊ သောကြာနေ့
အောက်တိုဘာ ၁၈ ရက်နေ့က TUC အထွေထွေကောင်စီအပါအဝင် အတည်ပြုထုတ်ပြန်သည့် ထုတ်ပြန်ချက်များအရ သော်လည်းကောင်း၊ အကြမ်းဖက်မှုများ ဆက်လက် ဖြစ်ပေါ်နေခြင်းကြောင့် သော်လည်းကောင်း အစ္စရေးနှင့် ဂါဇာရှိ သက်ဆိုင်ရာအဖွဲ့အစည်းအားလုံး ခြွင်းချက်မရှိ အပစ်အခတ် ချက်ချင်းရပ်စဲရန် Unite အဖွဲ့ချုပ်မှ တောင်းဆိုပါသည်။
နေ့စဥ်အပြစ်မဲ့ ပြည်သူများ၊ ကယ်ဆယ်ရေး လုပ်သားများနှင့် ထောင်ချီသော ကလေးသူငယ်များအပေါ် သည်းခံနိုင်ဖွယ်မရှိအောင် ကြောက်လန့်ခံစားစေမှုနှင့် သေဆုံးစေမှုများ အဆုံးသတ်ရမည်။
အပြည်ပြည်ဆိုင်ရာ ဥပဒေကို လေးစားလိုက်နာရန်၊ အရပ်သားအားလုံး အကာအကွယ်ရရှိစေရန်၊ ပြန်ပေးဆွဲခံရသူအားလုံးကို အန္တရာယ်မရှိပဲ လွှတ်ပေးရန်နှင့် အစားအသောက်၊ရေ၊ လျှပ်စစ်မီး၊ ဆေးဝါး၊ တကိုယ်ရေသန့်ရှင်းမှုနှင့် လောင်စာဆီသုံးစွဲမှုများ ရရှိကြစေရန် ကျွန်ုပ်တို့ ထပ်မံ တောင်းဆိုပါသည်။
အရပ်သားတွေကို တမင် သတ်ဖြတ်တာ၊ ပြန်ပေးဆွဲတာနှင့် စုပေါင်း အပြစ်ပေးတာကို စစ်ရာဇဝတ် ကျူးလွန်မှုအဖြစ် အပြည်ပြည်ဆိုင်ရာ ဥပဒေမှ ရှင်းလင်းစွာ ဖော်ပြထားပါသည်။ ဟားမတ်စ် နှင့် အစ္စရေး အစိုးရတို့ ကျူးလွန်သော ရာဇဝတ်မှုများကို ရှုတ်ချရမည်၊ အပြည်ပြည်ဆိုင်ရာ ဥပဒေကို ဆုပ်ကိုင်ကြရမည်။
ပဋိပက္ခဖြစ်ပွားသည့်အခါ လူသားချင်းစာနာထောက်ထားမှုစင်္ကြံများ ဖွင့်ထားရန် မရှိမဖြစ် လိုအပ်ပြီး လူသားချင်းစာနာထောက်ထားမှု အကူအညီ ရယူနိုင်စေရန် ဖွင့်ပေးထားဖို့ လိုပါသည်။
ပါလက်စတိုင်းနယ်မြေကို စစ်တပ်က သိမ်းပိုက်ထားမှုနှင့် ဂါဇာကို ပိတ်ဆို့ထားမှုအပါအဝင် ဖိနှိပ်မှု၊ အကြမ်းဖက်မှုနှင့် လူမျိုးရေး ရှင်းလင်းဖယ်ရှားမှုတို့ကို အဆုံးသတ်ပြီး အားလုံးအတွက် လူ့အခွင့်အရေး ရရှိခံစားစေရန် ပြည်နယ်နှစ်ခုဖြေရှင်းချက်အပေါ် အခြေခံသည့် ပြီးပြည့်စုံသော ထာဝရငြိမ်းချမ်းရေးဆီကို အလုပ်လုပ်ကြပါရန် အပြည်ပြည်ဆိုင်ရာ အသိုင်းအဝန်း တခုလုံးကို တောင်းဆိုပါသည်။
ဒီပဋိပက္ခနောက်ကွယ်က ကျွန်ုပ်တို့ရဲ့ လုပ်ငန်းခွင်များနှင့် အသိုင်းအဝန်းများမှာ တိုးပွားလာနေတဲ့ မွတ်စလင်ဆန့်ကျင်ရေး လူမျိုးခွဲခြားမှု၊ ကိုးကွယ်ယုံကြည်မှုနှင့်၊ ပါလက်စတိုင်းနှင့် အာရပ်တွေကို ဆန့်ကျင်သော လူမျိုးရေးခွဲခြားမှုတို့ကို တိုက်ဖျက်ရန် ဗြိတိန်နှင့် အိုင်ယာလန်နိုင်ငံများတွင် Unite အဖွဲ့ချုပ်မှ ဆက်လုပ်သွားလိမ့်မည် ဖြစ်ပါသည်။
ငြိမ်းချမ်းရေးကို ပံ့ပိုးဖော်ဆောင်ရန်နှင့် ဒီပဋိပက္ခရဲ့ သားကောင်များ၏ ခံစားနေရမှုများကို ဖယ်ရှားနိုင်ရန်အတွက် ညီနောင်သမဂ္ဂများဖြစ်သည့် TUC, STUC, WTUC, ICTU နှင့် အပြည်ပြည်ဆိုင်ရာ အလုပ်သမားသမဂ္ဂများအဖွဲ့ချုပ် (ITUC) တို့နှင့်လည်း Unite အဖွဲ့ချုပ် အလုပ်လုပ်သွားလိမ့်မည်။
(IUF အာရှပစိဖိတ်မှ ဘာသာပြန်ဆိုပါသည်)