စစ်အာဏာရှင်ဆိုသော အစိုးရစနစ်တရပ်မှာ ဒီမိုကရေစီနည်းလမ်းကျကျဆိုပြီး ရွေးကောက်ပွဲ ကျင်းပ သော်လည်း အစိုးရဌာနခွဲအားလုံး၏ နေရာအများစုကို လက်ရှိတာဝန်ထမ်းဆောင်ဆဲ သို့မဟုတ် အနားယူပြီးသော စစ်ဘက် အရာရှိများ၊ ထောက်လှမ်းရေးအရာရှိများနှင့် တခြား လုံခြုံရေး တပ်ဖွဲ့ဝင်များက ရယူထားသည်။
မြန်မာစစ်အစိုးရဟာ ၂၀၂၅ ခုနှစ်၊ ဒီဇင်ဘာ ၂၈ ရက်နေ့မှာ စတင်မယ် ဒေသအဆင့်၊ တနိုင်ငံလုံးအဆင့်ရွေးကောက်ပွဲများကို အသုံးချက ပထမခြေလှမ်းအနေဖြင့် စစ်အာဏာရှင်စနစ်ကို ဖန်တီးနေပါသည်။ ရွေးကောက်ပွဲဝင်မည့် ကိုယ်စားလှယ်လောင်း ၄၉၀၀ ဦးကို ကြည့်ရင် အယောက် ၁၀၀၀ သည် စစ်ဘက်အရာရှိများအဖြစ် တာဝန်ထမ်းဆောင်ဆဲဖြစ်ပြီး ကျန်ရှိသောကိုယ်စားလှယ်များမှာ အနားယူလိုက်သော စစ်ဘက်အရာရှိကြီးများ၊ ခရိုနီများ သို့မဟုတ် စစ်တပ်မှ ကန့်သတ်ထားသော စည်းကမ်းများအတိုင်း မှတ်ပုံတင်ကြရပြီး စစ်တပ်၏ စစ်ဆေးခံရမှု အောင်မြင်ထားကြသူများသာ ဖြစ်ပါသည်။
၂၀၂၆ ခုနှစ်၊ ဖေဖော်ဝါရီလ သို့မဟုတ် မတ်လ လောက်မှာ ဂရုတစိုက်ဖြင့် အကြံအဖန်လုပ် ကျင်းပသည့် ရွေးကောက်ပွဲများအပြီးတွင် စစ်အစိုးရမှ မြန်မာနိုင်ငံဟာ ဒီမိုကရေစီအရပ်သားအစိုးရတရပ်ဖြစ်ကြောင်း ပြောပါလိမ့်မည်။ အဲဒီအချိန်လောက်ဆိုရင် အစိုးရဌာနအားလုံးက နေရာပေါင်းထောင်ဂဏန်းများစွာကို လက်ရှိနှင့်အနားယူထားသော စစ်ဘက်အရာရှိများ နေရာဝင်ယူခြင်းမှ တဆင့် စစ်တပ်၏ ထိန်းချုပ်မှုများ စတင်ကျင့်သုံးပါလိမ့်မည်။
မြန်မာ့ စစ်အာဏာရှင်က ဗျူဟာကျသော ဆိပ်ကမ်းများနှင့် မြေရှားသတ္တုများကို ရယူသုံးစွဲခွင့် အာမခံပေးထားခြင်းကြောင့် ပြည်ပနိုင်ငံ အစိုးရများကလည်း ရွေးကောက်ပွဲရလဒ်ကို လက်ခံဖို့ မြန်ဆန်လာလိမ့်မည်။
စည်းစနစ်ကျသော ဒီမိုကရေစီအစိုးများပင်လျင် ဗမာ (မြန်မာ) နိုင်ငံဟာ ဒီမိုကရေစီ ဘယ်တော့မှ မရနိုင်ကြောင်း သူတို့၏ လူမျိုးရေးခွဲခြားသော ကျွမ်းကျင်သူတွေပြောတာကို နားထောင်ကြတာကြောင့် စစ်အာဏာရှင်စနစ်သစ်ကို သူတို့လက်ခံရန် လက်တွေ့ကျသောဝါဒ လိုအပ်ပါသည်။
ရန်ကုန်နှင့် ဘန်ကောက်ရှိ EU စီးပွားရေးယူနစ်မှ ဒီကျွမ်းကျင်သူတွေဟာ စစ်အစိုးရထိန်းချုပ်မှုအောက် ဥရောပရင်းနှီးမြှုပ်နှံမှုတွေ ဆက်လက်တည်ရှိနေတာဟာ မျှတကြောင်းပြခဲ့ကြသူတွေ ဖြစ်ပါသည်။ UN က လူသားမျိုးနွယ်အပေါ် စစ်ရာဇဝတ်မှုကျူးလွန်သူတွေထဲက ပါဝင်သူဟု သတ်မှတ်ခံထားရသည့် စစ်တပ်ခရိုနီဖြစ်တဲ့ ဦးဇော်ဇော်ကိုတောင် “လူကောင်းတွေထဲက တယောက်”ဖြစ်ကြောင်း ကျွန်ုပ်တို့ကို ရှင်းပြခဲ့သည်။ EU စက်မှုပညာရှင်တစ်ဦးက ပူတင်ရဲ့ စီးပွားရေးခရိုနီတယောက်ကို လူကောင်းတွေထဲက တယောက် လို့ပြောတာကို မြင်မိစေပါသည်။ မြန်မာနိုင်ငံမှ ပြည်သူတွေ၏ ဘဝတွေဟာ ဥရောပသားတွေထက် တန်ဖိုးနည်းသည်ဟု အခြေခံယူဆချက် ရှိမှလျင်သာ ဒီပြောင်ပြောင်တင်းတင်း စံနှုန်းက ဖြစ်လာစရာအကြောင်းရှိပါသည်။
အတုအယောင်ရွေးကောက်ပွဲများနှင့် နောက်ဆက်တွဲဖြစ်သော စစ်အာဏာရှင်စနစ် တို့ကိုလက်ခံသည့် မည်သည့်အစိုးရတို့၏ ဆုံးဖြတ်ချက်သည် မြန်မာပြည်သူ (ပြည်သူ-အများ) ဟာ ဒီမိုကရေစီအစိုးရများနှင့် UN စနစ် တို့ အတည်ပြုထားသည့် အခြေခံလူ့အခွင့်အရေးများနှင့် မထိုက်တန်ကြောင်းကို ပြောင်ပြောင်တင်းတင်းကြေငြာလိုက်တာထက်ကို ပိုလွန်ပါသည်။ ။
See မြန်မာနိုင်ငံ စစ်အာဏာသိမ်းမှုဟာ Accor စီးပွားရေးလုပ်ငန်းအတွက် ပုံမှန်လည်ပတ်ဆဲ [ဖေဖော်ဝါရီလ ၃ ရက်၊ ၂၀၂၁] နှင့် စစ်အာဏာသိမ်းမှုအပေါ် ငွေကြေးအရထောက်ပံ့ခြင်း : စစ်တပ်နှင့် ၎င်းတို့၏ခရိုနီတို့နှင့် စီးပွားရေးလုပ်ငန်းဆက်လက်လုပ်ကိုင်နေကြသည့် နိုင်ငံခြားကုမ္ပဏီများသည် မြန်မာနိုင်ငံလွတ်လပ်ခွင့်အပေါ် ငွေကြေးထောက်ပံ့ကာ တိုက်ခိုက်နေခြင်းသာဖြစ် [ဖေဖော်ဝါရီလ ၁၀ ရက်၊ ၂၀၂၁].
