یہ انتہائی افسوس کے ساتھ ہے کہ ہمیں 2 نومبر 2022 کو بھارت میں سیلف ایمپلائیڈ ویمنز ایسوسی ایشن کی بانی سسٹر ایلا آر بھٹ کے انتقال کا علم ہوا۔پورے ایشیاء پیسیفک ریجن میں آئی یو ایف سے وابستہ افراد نے سیلف ایمپلائیڈ ویمنز ایسوسی ایشن کے اراکین سے تعزیت کا اظہار کیا ہے۔
گزشتَہ تین دنوں کے دوران، مین اسٹریم میڈیا، سول سوسائٹی کی تنظیموں، ٹریڈ یونینز اور علمی دنیا کی طرف سے ایلابین کے اعزاز میں ہزاروں خراج تحسین مضا مین شائع کیے گئے ، جن میں خواتین کے لیے انصاف ، عزم، غیر معمولی زندگی اور خواتین کے حقوق اور بااختیار بنانے کے لیے ان کی ناقابل بیان شراکت کو تسلیم کیا گیا ہے۔
واضح طور پر ایلابین کی تعلیمات، اقدار اور رہنمائی دنیا بھر کی خواتین کے ساتھ ملتی جلتی ہے۔ایلابین کا باہمی تعاون کرنے والی مقامی کمیونٹیز کی تعمیر نو اور بحالی کا مطالبہ جس میں خواتین اہم کردار ادا کرتی ہیں، موسمیاتی بحران، خوراک کے بحران اور عالمی اقتصادی بحران کے تناظر میں اب پہلے سے کہیں زیادہ ضروری ہوگیا ہے۔تشدد، تصادم اور جنگ کے ان خوفناک وقتوں میں جتنا اہم ہے، یہ ایلابین کی پرامن تبدیلی اور عدم تشدد کے طریقوں کے لیے گہری وابستگی کی مثال ہے۔ خواتین کی طاقت، معاشی انصاف اور امن کے اس گٹھ جوڑ میں ہی ہمیں وہ جواب ملتے ہیں جو حکومتیں نہیں کر سکتیں۔
ہمیں یہ بھی یاد ہے کہ ایلابین نہ صرف خواتین کے حقوق کے لیے بلکہ خواتین کارکنوں کو منظم کرنے کے لیے بھی پرعزم تھیں۔بااختیار بنانا نہ صرف وسائل تک رسائی اور کاروبار کے ذریعے خواتین کی آمدنی اور معاش میں بہتری کے ذریعے حاصل کیا گیا بلکہ ٹریڈ یونین میں کارکنوں کے طور پر ان کی اجتماعی طاقت کو فعال طور پر استوار کرنے سے حاصل کیا گیا۔
سیواکی ابتدا کی جد و جہد میں سیواکو نہ صرف گھریلو اور غیر رسمی شعبوں میں کام کرنے والی خواتین کی ایک تنظیم کے طور پر بلکہ خواتین کارکنوں کی ایک ٹریڈ یونین کے طور پر قائم کرنا ہے ۔ ریاستی سطح پر لیبر ڈیپارٹمنٹ کے حکام نے ابتدائی طور پر سیلف ایمپلائیڈ ویمنز ایسوسی ایشن کے بطور ٹریڈ یونین رجسٹریشن کی مخالفت کی کیونکہ اس کے اراکین کا کوئی آجر نہیں ہے۔ ایلابین نے دلیل دی کہ خواتین کارکنوں کو اتحاد میں لانا – ان کی اجتماعی نمائندگی اور اجتماعی طاقت کو یقینی بنانا – وہ چیز ہے جو سیواکو ایک ٹریڈ یونین بناتی ہے، نہ کہ کسی آجر کی موجودگی یا غیر موجودگی۔ بعد ازاں سیواکو 12 اپریل 1972 کو بطور ٹریڈ یونین رجسٹر کیا گیا۔
یہ سبق آج بھی ہمارے لیے اہم ہے کیونکہ لاکھوں نوجوان کارکنوں کو خود روزگار کے طور پر نامزد کیا گیا ہے اور انہیں اجتماعی نمائندگی اور اجتماعی طاقت کے لیے اکٹھے ہونے کی ضرورت ہے۔ انہیں ایک ٹریڈ یونین کی ضرورت ہے – اور انہیں اس کا حق ہے۔
سیلف ایمپلائیڈ ویمنز ایسوسی ایشن نے پہلی بار خود روزگار خواتین کارکنوں کی منظم، اجتماعی سودے بازی کی طاقت قائم کی۔ سیلف ایمپلائیڈ ویمنز ایسوسی ایشن میں آئی یو ایف کی رکنیت میں، بیڑی (تمباکو) خواتین کارکنوں کی خریداروں کی طرف سے ادا کی گئی قیمتوں پر اجتماعی طور پر سودے کاری کرنے میں زبردست کامیابی اس کی ایک مثال ہے۔ یہی تجربہ خواتین ڈیری ورکرز کے ساتھ بھی دہرایا گیا۔ایک ٹریڈ یونین کے طور پر سیلف ایمپلائیڈ ویمنز ایسوسی ایشن کی اجتماعی نمائندگی اور طاقت نے سبزی فروشوں اور خوراک بیچنے والوں کو سرکاری حکام کے ساتھ بات چیت میں اپنے حقوق اور مفادات کا دفاع کرنے کے قابل بنایا۔یہ ایلابین کی اقدار اور کام اور معاشی اور سماجی انصاف سے حاصل ہونے والی خود اختیاری ہے جس کی انہیں امید تھی۔جیسا کہ ایلابین نے اپریل 2016 میں سیلف ایمپلائیڈ ویمنز ایسوسی ایشن راشٹریہ پتریکا کے پہلے شمارے میں لکھا تھا، خواتین کو منظم کرنے کے ذریعے “اہم آواز،نمود اور توثیق حاصل کر سکتے ہیں”۔
خواتین کارکنوں کے لیے معاشی اور سماجی انصاف اور ان کو اجتماعی طور پر بااختیار بنانے کے لیے ایلابین کی تاحیات وابستگی کا احترام کرنے کے لیے،آئی یو ایف ایشیا/پیسفک ریجنل آرگنائزیشن اس بات کو یقینی بنائے گی کہ ایلابین کے خیالات، تحریریں، اسباق اور اقدامات ٹریڈ یونین رہنماؤں کی نوجوان نسل کو سکھائے جائیں۔درحقیقت، یہ ایلابین کے اقدامات ہیں – خواتین کارکنوں سے بات کرنے کے لیے باہر جانا، ان میں شامل ہونا، خود لیڈر بننے کے لیے اعتماد پیدا کرنے میں ان کی مدد کرنا – یہ ہمارا سب سے اہم سبق ہے۔
احمد آباد میں 
سبزی فروشوں کے ساتھ ایلابین کی تصویر سڑک پر دکاندار کے طور پر اپنے حقوق کا قانونی تحفظ حاصل کرنے کے بعد۔ تصویر 25 فروری 2010 کو فوٹوگرافر ٹام پیٹراسک نے لی ہے۔